СИРЕНЬ, МОТОР СИРЕНЬ…

Эртыше кок арня жапыште интернетыште да уремлаштат лач ты муро йоҥген. Икымше амалже ты пагытыште сирень пеледме жап лийын. А вес амалже — Йорга Каче кокымшо муро альбомжым калыклан аклаш луктын.

− У альбомым калыкыш лукмылан тылзат эртен огыл, а тыге чучеш, пуйто идалык ончыч тиде лийын да адак у альбомым ямдылаш пижман. Калык альбомым куанен вашлийын манын кертам. Шуко поро мутым ойлат, тауштымо серышымат возат. Альбомыш тÿрлӧ сынан муро пурталтын, туге гынат ик шÿлыш дене колышталтеш, маныт. Эн чÿчкыдын «Курорт», «Сирень» да «Тый пӧртылат» муро-шамычым колыштыт.
Кок арня жапыште 50000 утла еҥ муро-шамычым аклен манын интернетысе статистике ончыкта, − ойла мурызо.

− У альбомым лукмо лÿмеш иктаж концертым ышташ кумыл уке?

− Кызытеш калык дене ял пайремлаште, концерт ден дискотекылаште вашлийына. А шыжым, 35 ийым темыме пайремлан, сольный концертым ышташ шонем.

Лишыл жапыште Йорга Качым теве кушто ужаш лиеш:

12 июнь − Кужэҥер район Юледÿр (21.30),

14 июнь − Шернур посёлко (20.00).