Пуш ынже лий манын…
Ванныйысе але кухньысо раковиныште пуч гыч южгунам уда пуш лектеш. Тидыже жап эртыме семын пучышто тӱрлӧ шӱк, кочкыш пижын кодмылан кӧра лиеш. Тыгай пуш ынже шарле манын, пучым кӧргӧ вел гыч эрыктыман. Кевытыште тидлан ятыр вартышым ужалат, но ты сомылым содо ден уксус полшымо денат ышташ лиеш. Тидлан кӱлыт:
- пел стакан (100 грамм) содо
- 1 стакан (200 грамм) 70% столовый уксус
- пел литр шокшо вӱд
Вӱдым шолташ шындыман, шолаш пурымыж деч ончыч уксусым ешарен пудыратыман. Содым пуч кӧргыш колтыза. Вара тушко уксусан шокшо вартышым ястарыза. Тыге шоҥ налеш. Пучым 1 шагатлан (але утларак жаплан) петырыман да шӱалтен колтыман.
