Озаватылан каҥаш
- Муным холодильникыште мутык вуйжо дене кӱшкыла пышташ гын, тудо сайынрак аралалтеш.
- Аквариумым мушмогодым лавыран вӱдым ида кышкал. Вӱдыштӧ азот ден фосфор шуко улмылан кӧра тудо мӧҥгысӧ кушкыллан пайдале ӱяҥдыш лиеш.
- Шӱрым шолтымо годым шинчал шукырак лийын гын, тушко эрыктыме ик пареҥгым пыштыза. Уто шинчалым тудо шупшылеш.
- Бананыште фруктым вашкерак шуктышо газ уло, сандене тудым вес фрукт дене ида арале. Банан-влакым, орлаҥге гыч иктын-иктын катен, посна пыштыза. Тыге нуно шукырак жап свежа лийыт.
- Помидорым да цитрусан фруктым холодильникыште ида арале. Йӱштӧ юж тамыштым да тамле ӱпшыштым локтылеш.
- Мешакыште пареҥге ынже шыте манын, тушко олмам пыштыза.
