«Кум пусак», шаньга да моло сий
Автор — Ална Алкече.
Изи годым, шарнем, кабачок ден кавун шуко лийыт ыле. Авам нунылан эреат «примененийым» муэш ыле. Эсогыл руаш нӧштылмашке саде пакчасаскам нӱжен пыштеден.
Кавун пеш пайдале ман ойлат. Садлан мыят тудым арам ышташ ом тырше. Теве, руашыш нӱжен пыштен, мыят тыгай кочкышым ыштышым. Марий Турек вел Пабайнур калык саде «кум пусакым» эчпочмак мандалеш. Тидлан амалже: суас ял влак дене пошкудо лийын илымаш. Ожныракшым ялыштына кажне кова суасла моштен. Суас ден марий влак ваш-ваш келшен , унала коштын иленыт. Икманаш, мыят эчпочмак манметым ямдылыме годым руашыш веле огыл, когыльо кӧргышкат нарынче кавуным ешаренам. Тыгак тыгыдын пӱчкедыме пареҥгым, сӧсна шылан фаршым, шоганым, ушкал ӱйым пыштенам. Кочкышем тыгайрак лекте. Кавун шӧртнялге тӱсым пуэн. Ончен йӧратет! Кунам коҥга сай, кочкыш мотор тӱсан лектеш, сандене эре кочкаш ыштыме веле шуэш!
— пакчасаска да сыр дене леведме чыве шыл;
— шаньжа, марла каласаш гын — катлама. Шаньжа ӱмбак тыгак сырым пӱчкын пыштенам (эксперимент манметым йӧратем) (2-3 фото);
— тамле пурыс, шоган, ужар кушкыл да кол консерве дене когыльо (тидыже мыйын шке шонен лукмо рецептем) (4-5 фото);
— конга пицце (6-7);
— скумбрий кол дене рулет (8);
— «кум пусак» когыльо (9).