МЕМНАН НЕРГЕН ТӰНЯ ПАЛЫШАШ!
Ты фотошто самырык сӱретче София Стяжкина улмаш. Кызыт тудо Санкт-Петербургышто И.Е.Репин лӱмеш художественный академийын пытартыш курсышто тунемеш. Шукерте огыл Доха олашке миен толын, курсым эртарен, сӱрет тӱняш ошкылым ышташ полшен. Но тидын нерген чыла радамын каласкалем.
Соня Йошкар-Олаште шочын-кушкын, кеҥеж пагытыште чӱчкыдын коча-коваж деке Киров кундем Кильмез районысо Азиково ялыш канаш коштын. Туштак тӱрлӧ этюд-влакым возаш йӧратен. Нылымше класс деч вара йолташ ӱдыржӧ дене пырля Йошкар-Оласе 1-ше номеран художественный школышто тунемаш пурен. Ныл ий тушто тунемын да умбакыжат шке илышым сымыктыш тӱня дене кылдаш шонен пыштен.
– Индешымше класс деч вара, икымше гана Санкт-Петербург олаште лиймеке, художество академийым ужынам. Но зданийыш пураш йӧн лийын огыл, сандене тушко кузе-гынат логалаш шонен пыштенам.2016 ийыште Чебоксар оласе художественный училищыште «Живопись» направлений дене шинчымашым погаш каенам. Мыйын туныктышем Татьяна Юрьевна Серебрякова лийын. Училище деч вара умбакыжат тунемаш кумылем уло манын умыленам. Тыге 2020 ийыште академийыш тунемаш пураш каенам.
Икмыше курсышто Андриан Берсенёвын мастерскойыштыжо тыршен, кокымшо курсышто — Анастасия Николаеван. Кугурак курслаште тунемше мастерскойым ойырен налман. София Юрий Витальевич Галютан тӱшкажым ойырен налын.
– Мыланем тудын тӱсым ужын моштымыжо, техникыже лишыл, сандене мый чотак тудын деке логалаш шоненам. Шонымем шукталтын, кызыт мый кудымшо курсышто тунемам. Дипломым возаш ямдылалтам. Вет пытартыш курс мыланна тӱрыс диплом пашалан ойыралтеш. Кызыт мый эскиз-влакым ямдылем, еҥ-влакын ойыртемалтше койыш-шоктышыштым «кычалам», портрет-шамычым возем.
– Молан лач сӱретче лияш ойырен налынат?
– Молан лач ты профессийым ойырен налынам каласаш неле. Кӧргыштем ала-мо таратен. Ты йодыш шотышто шонкалымем годым чылажат йӧным ыштен манын умылем. Эре могай гынат шӱкалтыш лийын. Очыни, чыла тиде пӱрымаш! Вет мый нигунамат художественный школыштыжат тунемаш шонен омыл, йолташ ӱдырем дене пырля веле миенам… А вара умылымаш ушыш пурен: мемнан элыште Академий деч кӱкшӧ образований уке, сандене тушко мыланем пурашак кӱлынак. Эше мыйын койыш-шоктышыштем тыгай: шонен пыштымым садак шуктем. Кызыт мый шкемым вес пашаште ом уж. Мый возынем, тӱнян моторлыкшым почын пуынем. Искусство гоч айдеме моткоч шуко почын пуэн кертеш, тыште уто мут ок кӱл. Тыйын пашашт ончышын кумылжым савыра, тыйын шонымашет тудын деке миен шуэш гын — пиал!
– Интернетыште вераҥдыме марий вургем дене сӱретлен шинчыме фотосессийым лӱмын ямдылыме?
– Яра жапет улмо годым кузе канет? Шочмо кундемыш очыни толын коштат?
– Диплом пашат мо дене кылдалташ тӱҥалеш?
София, моткоч кугу тау жапым ойырымемлан. Тек диплом пашаи куштылгын возалтеш! Умбакыжат марий калыкнам чапландаре! А мый ӱшанем, эше тыйын ончерыште вашлийна!
