Яныш Ялкайн. Кас велыш (почеламут)
Эсен лийза, эрталше кече-влак!
Ода тол угыч шошым, чоҥештен, те,
Ода волгалт йомартлын чоныштем те:
Шужен, кылмен илалтын ожсекак.
Рыскалым кӱзӧ ден шым нал еҥ дечын,
Чаплан, оксаланат мый шым кумал.
Нужнан гынат, яндар шӱм ден илаш
Тӱням ончен тунемым кечын-кечын.
Ием кас велыш кече гай вола,
Вучем ласкан мый кодшо пел жапемым.
Ок лӱдыктал жапат, пашат поэтым,
Эсен лийза, эрталше кече-влак!
1937, 25 октябрь.