Шачмы мӱлӓндӹ, кугезе мланде…
13 августышто Килемар район Церкӹсола селаште «Земля предков» регион-влак кокласе фольклор да этнографий фестиваль-форум эртаралтын. Тений тыгай пайрем тӱрлӧ кундемысе кидмастар ден мурышо да куштышо коллектив-влакым, тӱвыра аланыште тыршыше да шке калыкшым чапландарыше чолга еҥ-шамычым 14-ше гана пырля чумырен. Фестивальыш Марий Элын тӱрлӧ районлаже, тыгак Татарстан, Чуваший, Угарман, Киров да Ямал-Ненец кундемла гыч уна-влак толыныт. 29 фольклор коллектив, калык кидпаша дене палдарыше 53 мастар лийыныт. Фестиваль годым турлӧ ярмиҥга, модмаш, куштымаш площадке-влак пашам ыштеныт. Кодшо ийласе семынак ты кечын Э.Сапаев лӱмеш опер да балет театрын артистше-влак «Акпатыр» оперым ончыктеныт.
Фото-влакым Килемар ял шотан илемын Вконтакте воткылысе тӱшкаже, Марий Элысе тӱвыра, печать да калык-влакын пашашт шотышто министерствын сайтше да интернет гыч налме.
