Школ туныктышыжо-влак дене виян

Автор — Татьяна Семёнова

Морко район Кожлаер тÿҥ школ МАССР-ын Калык артистше, музыкант, композитор, Марий кугыжаныш филармонийын фронтовой бригадын вуйлатышыже Павел Степанович Тойдемарын лÿмжым нумалеш. Тысе школым шуко лÿмлö еҥ тунем пытарен: поэт-писатель-влак Миклай Казаков, Мирон Большаков, А.Ф.Федоров, Сергей Эчан, В.И. Осипов-Ярча, Яков Элексейн (Кожлаер школышто туныктен), артист Малинин Эчук да тулеч молат.

Кожлаер школна ушан, поро да виян туныктышыжо-влак дене кугешна. Нылле ий наре школнам физикым туныктышо калык просвещенийын отличникше Вениамин Клименьтевич Степанов вуйлатен. Самырык туныктышо-влаклан эреак сай пример семын лийын шога. Вениамин Климентьевичын кыртмен вуйлатымыж дене школ пелен йочасад чоҥалтын, тора ялла гыч тунемаш толшо-влаклан интернат почылтын, у СанПинын йодмыж почеш школым ырыкташ кочегарке ышталтын.

Кожлаер школын выпускник-влакше Москосо Бауман университетым, Москосо электроэнергетический институтым, Марий кугыжаныш университетым, Н.К.Крупская лÿмеш Марий педагогический институтым, Марий кугыжаныш политехнический университетым тунем пытареныт. Тыгак усталык шÿлышан выпускник-влакат улыт, опер да балет театрыште пашам ыштат.

Кожлаер школна шуко туныктышым луктын. Выпускник-влакым туныктышо корныш шогалташ надырым пыштеныт: изирак класслаште туныктышо туныктымо пашан ветеранже Римма Николаевна Степанова; изирак класслаште туныктышо Россий Федерацийын общий образованийын Почетан пашаеҥже Людмила Николаевна Смирнова; математикым туныктышо Россий Федерацийын общий образованийын Почетан пашаеҥже, туныктымо пашан ветеранже Елена Ивановна Васильева; марий йылмым да литературым туныктышо Россий Федерацийын общий образованийын Почетан пашаеҥже, Марий Эл Республикын сулло туныктышыжо Раисия Михайловна Калашникова; историй да географийым туныкышо, Российсе тичмаш образованийын почетан пашаеҥже, туныктымо пашан ветеранже Вячеслав Николаевич Васильев; изирак класслаште туныктышо Надежда Геннадьевна Ласточкина; изирак класслаште туныктышо да кызытсе школ вуйлатыше Надежда Альбертовна Крылова.

А тачысе кечылан вес виян тукым туныктышо-влак пашам ыштат: Виталий Вениаминович Степанов, тале спортсмен, физкультурым туныктышо; Аида Викторовна Иванова, руш йылмым да литературым туныктышо.

Шочмо Кожлаер школем дене кугешнен илем! Ончыкыжымат тыште паша воранен толжо, тек тунемше-влак коклаште эше шуко у чапланыше лӱм-влак йоҥгат. Вий-куатан да кужу ӱмыран лий, йӧратыме школ!