Йӧратымаш да жап

Ик отрошто тӱрлӧ кумыл илен: Пиал, Шӱлык, Моштымаш, Йӧратымаш. Оторо вӱд йымаке кая манмым колмеке, чыланат пушыш шинчын, ты верым коден каеныт. Лач йӧратымаш пытартыш тат марте кодаш шонен.
Отрон вӱд йымаке каяш тӱҥалмеке, Йӧратымаш полышым йодаш шонен пыштен. Эн ончыч Поянлык толын.
– Поянлык, нал мыйым пеленет.
– Пушыштем окса ден шӧртньӧ шуко, садлан тыланет вер уке, – вашештен Поянлык.
Йӧратымаш воктен эртен кайыше Кугешнымашым ужо.
– Кугешнымаш, утаре мыйым.
– Тый ночко улат, пушемым локтылат, – мане Кугешнымаш.
Вара Йӧратымаш Шӱлыкым полшаш йодо.
– О, Йӧратымаш, мый тыгай шӱлыкан улам, сандене мыланем шкет лияш кӱлеш.
Кенета Йӧратымашлан шоҥго кугызан йӱкшӧ шоктыш.
– Тол, Йӧратымаш, мый тыйым пеленем наҥгаем.
Йӧратымаш куанымыж дене шоҥгыеҥын лӱмжымат йодаш монден.
Мландымбаке тошкалмеке, шоҥго кугыза каен. Йӧратымаш ты кугызан лӱмжым Шинчымаш деч йодо:
– Кӧ мылам полшен?
– Жап.
Жап? – ӧрын Йӧратымаш, –молан тудо мыланем полшен?
– Жап гына Йӧратымашын чын акшым пала, – шыргыжалын вашештыш Шинчымаш.