Йӱлам да йылмым аралыме верч тырша
Татарстан кундемысе Актаныш районышто ик марий школ уло. Тудо Йӱштӧ Памаш ялыште верланен. Тыште тунемше чыла йоча (руш ма, татар але армян) икымше класс гычак марий йылмым тунемеш.
Алина Петрова Татарстан кундемысе Йӱштӧ Памаш школышто тӱҥалтыш класслам 22 ий туныкта. Тылеч посна тудо Интернет воткылыште школын лаштыкшым вӱда.
— Мый тиде ялешак шочынам, тыштак кушкынам. Педколледжым тунем пытарымеке, пашаш шочмо школышкем толынам.
Ялыштына ме изижге-кугужге шочмо йылме дене ойласена. Тылеч посна чылан гаяк татар йылмым палена. Вет ме, кок калык, тыште келшен илена. Ӱдырна-влак татар-шамычлан марлан каят, але мӧҥгешла, марий рвезе-влак татар ӱдыр-шамычым марлан налыт. Нунын шочшышт изинек кок йылме дене ойлат.
Школыштына марий йылмым йоча-влак шочмо йылме семын тунемыт. Тыгодым иктат «мый ынем тунем, мыланем тиде огеш кӱл» манын огеш ойло, чыланат шочмо йылмыштым моткоч йӧратат, — каласыш Алина Анатольевна.
Школыштына марий йылмым йоча-влак шочмо йылме семын тунемыт. Тыгодым иктат «мый ынем тунем, мыланем тиде огеш кӱл» манын огеш ойло, чыланат шочмо йылмыштым моткоч йӧратат, — каласыш Алина Анатольевна.
Йӱштӧ Памаш ялын шке клубшо кызытеш уке, но лишыл жапыште тӱвыра пӧртым чоҥат манын, верысе калык ӱшана. А кызытеш мероприятий-влак школышто эртат.
— Ӱярням, Семыкым да моло пайрем-влакым марий-шамыч веле огыл, татар-влакат пеш вучат. «Ме весела да поро улына» манын ойлат нуно. Пырля погынен, мурен-куштен, тӱрлӧ модыш дене модын, пайремым веселан эртарена. Лишыл жапыште шкенан тӱвыра пӧртна лиеш, тудым чоҥен пуаш сӧреныт, — мане А.Петрова.
Фото: Алина Петрова Марианна ӱдыржӧ дене.
— Ӱярням, Семыкым да моло пайрем-влакым марий-шамыч веле огыл, татар-влакат пеш вучат. «Ме весела да поро улына» манын ойлат нуно. Пырля погынен, мурен-куштен, тӱрлӧ модыш дене модын, пайремым веселан эртарена. Лишыл жапыште шкенан тӱвыра пӧртна лиеш, тудым чоҥен пуаш сӧреныт, — мане А.Петрова.
Йӱштӧ Памаш ялын шке кӱсотыжо уло. Алина Петрова моло самырык еҥ-влак дене пырля кодшо шошым ты кӱсотышто пушеҥге-влакым шынден. Самырык ӱдырамаш марий йӱлам аралыме верч тырша, ялысе школышто тунемше йоча-влакымат шочмо йылмыштым, йӱлаштым пагалаш туныкта.
